Porta extra 17
Inh. Benjamin Munker
Neue Friedhofstraße 10
32457 Porta Westfalica
Tel. 05 71 / 50 855 91
Fax 05 71 / 50 855 93
wasserwaerme@t-online.de
www.wasserwärme.de
Timmerbergs Delikatesse:
Burn Mudders Pannkauken
Noaboarschafts-Reminiszenzen: Die plattdeutsche Kolumne
Van Kurt Römming
Nammen. Kalkbrenner Hannerich
Timmerberg, Nammer
Original, de de Noawelt einige
Dutzend Dönekes achterloaten
hät un mit sienen Schalk
so manchen tau Vertweiflunge
brochte, hät ohk in siener
nöägesten Noaboarschaft vör
manchen Spoaß sorget.
Timmerbergs würn in´ Dörpe
so ziemlik de Ersten, de ein
eigenet Telefon beseiten un
boam an´ Nammer Barge in
de Twintiger Joahr det vergangenen
Joahrhunnert´s ohk de
Einzigen. So mancher drowte
in´ Notfalle van ühr ut dän
Doktor, dat Krankenhus oder
dän Tierarzt anraupen oder in
annerer Angelegenheit Verbindung
upnehm. Dat blew
no so bet in de Tiet noa´n
Tweiten Weltkriege.
Dat Telefon, gegen de
Wohnstoab´n up Timmerberg
´s Däl installiert, ha dür
de Wand noa de Stoab´n hän
eine tweite Hörmuschel. Un
dat ha siene besonnere Bewandtnis:
Nich dat de Kalkbrenner
neitgierig was. Hei
woll bloß jümmer gern weten,
wat sick de Löe so vertällen,
wenn hei oll de technische
Vörrichtunge tau Verfügung
stelle.
Wackermann´s Antje ut dän
oawerhalw gelägenen Fösterhuse
ha einen Geliebten van
achter Minden, van jentsiet
de Weser. Man saug sick nich
foaken, wägen de domoals
doch groten Entfernunge.
Awer per Timmerberg´s Telefon
könn´sick de baden wanigstens
„oawer Droaht“ nöäger
kohm. Un Hannerich Timmerberg,
de denn eine Wand
füdder gemütlik in sienen
Lehnstauhle satt un oawer de
tweite Muschel me´e hör, wat
de baden sick so vertällen,
was jümmer oawer olles bestens
informiert.
„Wat es hei denn vör einer?“
woll hei noa einen Sönndoagestelefonat
van Antje weten.
No ganz in Euphorie kam de
Antwurt: „Hei es an de Post
un sien Voar es ohk an de
Post, un poaar Morgen Land
Pannkauken-Bäckerin Christine Deerberg (Burn Stine) in Buckebörger
Dracht un Postbote Hannerich mit ühr´n Kinnern Heinrich
un Luise. Repros: Kurt Römming
häwet sei ohk un poaar Kah
in´ Stalle.“
„Mädchen, was willst du
noch mehr. Greif zu mit beiden
Armen und störte dich in
die Ehe,“ sprudelt et ut Timmerberg
harut. Awer Antje
hät deswägen nix oawerstörtet
un no einige Tiet lurt, bevör
et sienen Alfred van achter
Minden dat Joawurt geb´n
hät.
Tau dän Postboten Burn
Hannerich (Heinrich Deerberg),
in Timmerberg´s Nöächte,
gegenoawer de ohlen
Bargschaule ansässig, ünnerheilt
de Kalkbrenner nich
bloß „postalische“ Kontakte.
De eine wusste van Neiigkeiten,
de hei bie´n Kalkutfeuern
upgrepen ha un de annere
van Neiigkeiten, de hei up sienen
Postbotengange erlewe,
to vertällen. Un so´n Gedankenuttusk
stond ziemlik regelmäßig
an un was för bade
hochinteressant.
Timmerberg kummt moal
wier bie Burn up´en How un
rukt oll up Entfernunge: Stine,
wat Burn Mudder was, backet
Pannkauken. Fründlik un
spendabel, wie sei jeder
kennt, froaget sei: „Timmerberg,
möge jie Pannkauken?“
„Lüt, för mie´n Leb´n gern,“
kummt et van öhn trügge.
Burn Mudder packet dän
Teller rundvull, de Kalkbrenner
lät et sick schmecken.
„Timmerberg, sin jie satt?“
hört man Stine froagen. „Och
Stine, wenn du so froagest:
Legg mie no´n poaar Pannkauken
up. - Un wenn et denn
för diene annern Bagage an´
Diske nich mehr ganz recken
scholl, kannst du dän Kartuffeln
jo ´n poaar Köppken
Woater taureuern,“ es Timmerberg
siene wietsichtige
Antwurt.
Nammer Originoal: Kalkbrenner
Hannerich Timmerberg. De
Schalk blitzelt öhn ut dän Ogen.
Grundpflege und Hilfe
im eigenen Heim
Tel. 05 71 / 7 15 92
01 76 / 60 80 58 59
Ulla Hachmeister
Am Heesen 16
32457 Porta Westfalica
• Zimmerei und Bedachungen
• Innenausbau
• Fenster und Türen
• Carport
• Wintergärten u.v.m.
Untkenbeeke 1a
32457 Porta Westfalica
05 71 / 50 92 38 40
Regina Nolting
■ Bücher
■ Geschenkartikel
■ Passbilder (digital)
■ Schreibwaren
■ Tabakwaren
■ Zeitschriften
Telefon 0 57 51 / 82 06
Stephanstraße 8 · PW-Eisbergen
SO VIEL! SO NAH!