24 Porta extra
Bad Nammen, vör tweihunnert Joahr´n gründet, was mit sienen Sönndoageskonzerten in de Region erste Adresse. Fotos/Repro: Kurt Römming
„Germanicus grüßt den Professor“
Klassenutflug un geschichtlike Exkursion mit Schaulmester Heini Woatermann
Van Kurt Römming
Nammen. För Heini Woatermann
(Schreuers Heini), an de
Volksschaule in sienen Heimatdörpe
Nammen ols Juglehrer
anstellt, es et einer siener
leiwesten Doage: Klassenutflug
mit Geschichtsünnerricht.
Un doar es et för us
Schäuler van groten Vördeil,
sick dat eine un annere Daotum
to merken, dat hei denn
gewöhnlik in de nächsten Geschichtsstunne
awfroaget un
dat denn up de anstoahende
Zeugnisnote „Geschichte“ siene
Utwirkung hät.
Wie böget van dän Schaulhoawe
in dat „Lange Fehld“
(Im Langenfeld) in, do fängt
de Schaulstunne oll an. „Noa
de Schlacht bie Minden (1. August
1759) hät ein Trupp ünnerlägener
un versprengter
Franzosen in de folgenden
Nacht genau hier in´ Fehle
ühr Nachtloager upschloan
un in Nammen vehl Unheil
anrichtet. Bevör sei annerndags
de Flucht förtsetten,
wurd in ühr´n Woahn ols Vergeltung
Sacks How ansticket
un gung vollständig in Flammen
up,“ berichtet us de
Schaulmester.
De Grund was Cornet Hoyer,
de Enkel det Howbegründers,
det Husbarger Amtmannes
Friedrich Sack. Hoyer was
Verbündeter van Graf Wilhelm
van Schaumburg-Lippe
und ha mit dän sienen Soldoaten
bie Todtenhusen dat
Schicksoal der Franzosen entscheidend
besiegelt. De Spuk
in Nammen was oll an´ tweiten
August toenne. De Franzosen
würn Richtung Rinteln
füddertoagen, awer ühr Greueltoaten
wirken in Nammen
no lange noa.“
Wie Schäuler loatet up usen
Wäge Bad Nammen links liggen,
dat de Witwe Stucke 1813,
so use Schaulmester, ut lüttkesten
Anfängen mit Boadehütten
upbaue un dat Schwiegersohn
Heinrich Nolting
1890 mit dän Boadehusbau
mit 65 Fremdenzimmern un
Festsoaal tau groter Blüte
brochte. Wirtin Doris Nolting,
geb. Hartmann, ut Petershoagen
inheiroatet, wurd 1862 ols
Amme van Prinz Heinrich an´
Kaiserhoawe in Berlin berühmt.
Studenten ut Hannover,
Joahr löäter ols Gäste up
Bad Nammen, süngen dat bekannte
Wirtelied un höngen
up Amme Doris sienen
Schaulfreitiet 1952: Jungschaulmester Heinrich Woatermann mit
Schäulern up de Höckerdannen.